Pakön ie di laôt hana meuriyeuek
Pakön lam abeuek ka meubuna-buna
Syit ka lagee nyan Tgk
Menyo gajah jak bumoe han leungö
Ban aneuk Tulô pö ka guyang dônya
Bak ôk siôn bèk tabôh minyeuk
Bak igoe sineuk bèk tabôh suasa
Nyan han patôt bek ta peupatôt
Bak gaki euntôt bèk tabôh kaca
Pang ulèe ibadat seumbahyang
Pang ulèe hareukat tajak u blang
Pang ulèe peunyakèt angè mirah
Pang ulèe susah breuh bu hana
Pantang bak peudeung meutuka sarông
Pantang bak rincông mubalèk mata
Pantang bak haba narit meu ujông
Pantang bak hukom mubalèk haba
Disegar Kembali Oleh ALBAR
